Sunday, November 13, 2011

අවාසනාවට ඇත්ත ආදර කතාවක්.....







මම මේ කරන දේ කොච්චර දුරට හරිද වැරදිද කියන එක ගැන මම දන්නෙ නැහැ.
මට ඕනෙ මගේ කෑලි කෑලි වලට කැඩිලා ගිය හිත ආයෙත් හදාගන්න නෙමෙයි.
මොකද ඒක කැඩිලා තියෙන විදිහට ආයේ හදන්න මම කොචිචර උත්සහ ගත්තත් ඒක හදන්න බැහැ.
ඒ හින්දා මම දැන් ඒකට මහන්සි වෙන්නෙ නැහැ.
ඒකයි ඔයාට හැම තිස්සෙම හිතෙන්නේ මට තියෙන්නෙ කිසිම හැඟීමක් දැනීමක් නැති ගල්ම ගල් හිතක් කියලා.
මට ඕන වුනේ ඒ ගල් හිත යට තියෙන වේදනාව, දුක ඔයාට දැනෙන්න දෙන්නෙ නැතිව ඉන්න.
ඉතින් එහෙම ඉන්න ඉන්න ඒ හිත තවත් ගල් වෙනවා.  
මම කාට හරි ලං වුනොත් ඒ දේ මට නැති වෙනවා කියන එක මම පොඩි කාලේ ඉදන් අත්දැකපු දෙයක්.
ඒක දැනටත් එහෙමයි.ඉස්සරහටත් එහෙම වෙයි.
ඉතින් මම හැම වෙලාවෙම හිතුවෙ කාවවත් ලං කර ගන්නෙ නැතිව තනියම ඉන්නවයි කියලා.
ඒත් මට නොදැනීම ඔයා මට ලංවෙලා.
දැන් ආයෙත් මට තනියම ඉන්න පුරුදු වෙන්න කාලේ ඇවිත් කියලයි මට හිතෙන්නේ.
මට මේ කිසිම දෙයක් එපා කියලා දමල ගහලා යන්න බැරි තරමට මගේ හිතට බර පැටවිලා.
ඒ ගැන හිත හිත අඬලා අඬලා මටම ඇති වෙලා.
දැන් මට ඕනෙ මගේ ජීවිතය ඒවා වෙනුවෙන් කැප කරන්න.
ඔයා කියනව වගේ මගේ හිත ගල් කරගෙන ඉන්න තියෙනවා නම් ,අද මට දැනෙන මේ දුක,ඇස් වලින් එන කඳුලු වලට ඉඩක් නැති වෙන්න තිබුනා.
මගේ ආගමේ හැටියට තමන්ට අයිති නැති දේවල් වලට ආස කරන එක පවක්.
ඒත් මම දැන දැනම ඒ පව කරනවා.
මං හිතන්නෙ ඔයා අදහන ආගමෙත් එහෙමයි.
ඔයාගෙන් ලැබුනු ආදරේට මම ගොඩක් ලෝභයි.
ඒ හින්දා වෙන්න ඇති.මම මැරීගෙන ආදරේ කලත් කවමදාවත් ඔයා මගෙ නෙමේ කියලා මම දන්නවා.
කිසිම තේරුමක් නැති නමක් නැති සම්බන්ධයක් අපි දෙන්නා අතරේ තියෙන්නෙ කියලා ඔයා මට සැරෙන් සැරේ මතක් කරලා දුන්නත්,ඒ සම්බන්ධයට නැවතුම තියන්න හදද්දි ඔයා තව අකුර අකුර එකතු කරනවා.
පස්සෙ අකුරු වචන වෙලා වාක්‍ය වෙලා ඡේද වෙලා ආයෙත් පරණ කථාවම පටන් ගන්නවා.
ඉවරයක් වුනේ නැහැ.
ඔයාට කියලා ජිවිතයක් තියෙන්න ඔනෙ.ඔයා මා එක්ක ඉන්නකං ගොඩාක් දුක් වින්දා.
දුක පිටි පස්සෙ තියෙන සතුට කවදහරි ඔයා ගාවට ඒවි.
ඒත් මම ඉන්නකම් කවමදාවත් ඒකවත් හම්බ වෙන්නෙ නැතිව යයි.
ඒ තරමට මම අවාසනාවන්ත කොල්ලෙක්.
මට ඕනෙ මගේ අවාසනාව ඔයාගෙන් ඈත් කරලා තියාගන්න.
ඔයාගේ සතුට බලන්න මම ආසාවෙන් බලන් ඉන්නවා.
මං ගැන කවමදාවත් වැරදියට හිතන්න එපා.
ඔයාගෙන් මට ලැබුන ආදරේ හැමදාම මම ආදරෙන් තියා ගන්නවා.
මම ජීවත් වෙලා ඉන්නකං ඒක පරිස්සමෙන් මම බලා ගන්නවා.
ඒ දේ තරම් වටින දෙයක් මට කවුරුත්ම දීලා නැහැ.
ඔයාගෙන් මට ලැබුන ආදරේට මට ස්තුති කරන්න බැහැ.
ස්තූති කරලා ඔයාව පිට කෙනෙක් කරන්න බැහැ.
ඒකට ගොඩාක් පින්.
අද මම ඔයාගෙන් ඈත් වෙලා ගියත් ඔයාට ඕනෙ වෙලාවට මම ඔයා ගාව ඉඳීවි.
ඒත් අපේ තේරුමක් නැති අරමුනක් නැති නමක් නැති ආදර කථාව නම් අදින් පස්සෙ ලියවෙන එකක් නැහැ.

4 comments:

සමාන අත්දැකීම් ඇත.. අදහස පට්ට ය..

මේ ඇත්ත කතාවක් සහෝ..

කොල්ලන් සියල්ලෝම එකම බෝට්ටුවේ වෙති...

මෙන්න මගේ මුල්ම ලව් ස්ටෝරිය